OPIÐ HÚS Í DAGÞJÓNUSTU SKÁLATÚNS

Laugardaginn 22. febrúar frá kl. 14.00 til 17.00  verður opið hús  í dagþjónustu Skálatúns í tilefni af 60 ára afmæli Skálatúnsheimilisins. Gestir og gangandi verða boðnir velkomnir, starfsemin kynnt og kaffiveitingar í boði.

Að kvöldi afmælisdagsins 30. janúar var haldin veisla fyrir íbúa og starfsmenn í Harðarbóli í Mosfellsbæ. Þema kvöldisns var kúrekar. Afmælisfagnaðurinn heppnaðist vel og gestirnir skemmtu sér hið besta. Páll Óskar Hjálmtýsson og Bjartmar Guðlaugsson skemmtu, Heiða Sigrún Andrésdóttir kenndi línudans og hljómsveitin Kókos úr Mosfellsbæ lék fyrir dansi. Listamennirnir gáfu allir vinnu sína. Þá gaf Bakarí Mosfellsbæjar veglega afmælistertu sem gestir gæddu sér á. Íbúar og starfsfólk Skálatúns vilja nota þetta tækifæri og þakka ofangreindum velunnurum Skálatúns kærlega fyrir þeirra framlag.

Með vinsemd,

f.h. Skálatúns

Helgi Hróðmarsson, framkv.stj.

Skálatúnsheimilið 60 ára  

Í dag fimmtudag, 30. janúar eru liðin 60 ár frá því að fyrstu börnin fluttu á Skáltúnsheimilið. Það telst því vera stofndagur Skálatúnsheimilisins.

Að kvöldi afmælisdagsins 30. janúar verður blásið  til veislu fyrir íbúa og starfsmenn í Harðarbóli í Mosfellsbæ. Húsið  verður opnað kl. 18.00. Bjartmar Guðlaugsson og Páll Óskar Hjálmtýsson munu skemmta og leikið verður fyrir dansi.

Laugardaginn 22. febrúar frá kl. 14.00 til 17.00  verður síðan opið hús  á Skálatúnsheimilinu. Gestir og gangandi verða boðnir velkomnir, starfsemin kynnt og boðið verður upp á léttar veitingar. Frekari umfjöllun um dagskránna 22. febrúar verður birt þegar nær dregur..

Meðfylgjandi er grein um Skálatún og myndir frá gamalli tíð.

FYRIRLESTUR á Skálatúni.

EINELTI Á VINNUSTÖÐUM

Sveina Berglind Jónsdóttir, sálfræðingur

Sveina Berglind Jónsdóttir, sálfræðingur, deildarstjóri starfsgetumats hjá VIRK hélt fyrirlestur um EINELTI Á VINNUSTÖÐUM fyrir starfsfólk Skálatúnsheimilisins 29. september  og 2. október s.l.

Í fyrirlestrinum fjallaði hún m.a. um ýmsar hliðar eineltis og hvernig bregðast skuli við.

Sveina Berglind ræddi eftirtalda efnisþætti:

• - Hvað er einelti?
• - Upplifun og mat starfsmanns
• - Einelti er ekki...
• - Lagalegur réttur
• - Umfang vandans hér á landi - tíðni eineltis hjá ríkisstarfsmönnum skv. könnum fjármálaráðuneytis vorið 2008
• - Orsakir eineltis
• - Þættir sem geta kallað fram eineltishegðun
• - Algeng birtingarform
• - Áhrif eineltis á þolanda
• - Áhrif eineltis á fyrirtækið
• - Þjóðfélagslegar og efnahagslegar afleiðingar
• - Þolendur
• - Gerendur
• - Meðvirkni - óvirkni - samábyrgð
• - Aðgerðir gegn einelti
• - Tilkynningar um einelti
• - Viðbrögð yfirmanns
• - Ef vinnustaður og stjórnendur bregðast
• - Fyrirmyndarvinnustaður

29.nóvember árið 2011 voru fulltrúar Skálatúnsheimilisins boðaðir til móttöku í húsakynnum fyrirtækis Halldórs Jónssonar h/f . Tilefnið var afhending styrks úr Líknarsjóði Ögnu og Halldórs Jónssonar að upphæð kr. 2.500.000.

Styrknum var varið í að útbúa tvö skynörvunarherbergi (Snozelen) í Skjólinu. Annað herbergið er svart og hitt hvítt. Herbergin voru formlega tekin  í notkun á opnu húsi í apríl 2012. Nú rúmlega ári seinna og reynslunni ríkari sjáum við að herbergin hafa gefið afar góða raun með okkar þjónustuþegum og ávinningurinn leynir sér ekki.

Hægt er að skoða  myndband um skynörvunaraðstöðuna með því að smella á myndina hér fyrir neðan. Höfundur er Björgvin Ottósson kvikmyndagerðarmaður og stuðningsfulltrúi í Dagþjónustu.

HLUTVERK, Samtök um vinnu- og verkþjálfun hélt stjórnarfund sinn í Blönduhlíð, húsnæði Skálatúnsheimilisins fimmtudaginn 19. september s.l.  Áður en fundurinn hófst, fór fram kynning á starfsemi Skálatúnsheimilisins auk þess sem stjórnarfulltrúarnir skoðuðu dagþjónustu Skálatúnsheimilisins – Skjól og vinnustofu. Fulltrúar Skálatúnsheimilisins sátu síðan stjórnarfundinn. Samstarf sem þetta er af hinu góða og mikilvægt að hlúa að sem opnustum og bestum tengslum. Þannig skapast vettvangur til skoðanaskipta og upplýsingagjafar, öllum til hagsbóta.

Tilgangur HLUTVERKS er:a)   að stuðla að góðu samstarfi og samskiptum fyrirtækja og stofnana innan sambandsins.b)   að gæta hagsmuna sambandsaðila.c)   að stuðla að samvinnu við önnur fyrirtæki, stofnanir, félög og félagasambönd, innanlands og utan, í upplýsinga- og fræðsluskyni varðandi atvinnumál fatlaðs fólks og annarra sem þurfa á stuðningi að halda.d)   að vera ráðgefandi stofnunum ríkis og sveitarfélaga, þar með talin ráðuneyti og annarra þeirra sem sjá um starfsendurhæfingu og atvinnumál fatlaðs fólks.e)   að stuðla að samstarfi um uppbyggingu á starfsþjálfun, hæfingu og endurhæfingu fyrir einstaklinga til starfa á vinnumarkaði. 

Stjórn HLUTVERKS:Formaður: Kristján Valdimarsson, Örvi - Ritari: Þorsteinn Jóhannsson, Vinnustaðir ÖBÍ - Gjaldkeri:
Ólöf Leifsdóttir, Plastiðjan Bjarg – Iðjulundur - Meðstjórnendur: Bryndís Theódórsdóttir, Ams Reykjavík -  Halldóra Þ. Jónsdóttir, Ás vinnustofa - Ragnhildur Jónsdóttir, Viss og Þórhildur Garðarsdóttir, BjarkarásSími HLUTVERKS: 554-3277 -  Netfang HLUTVERKS: kristjanv@kopavogur.is

HLAUPUM Í ÞÁGU SKÁLATÚNSHEIMILISINS

KÆRLEIKSPÚÐAR FRÁ VINNUSTOFUM SKÁLATÚNS

                Vikuna 17.-24. febrúar var haldin Kærleiksvika í Mosfellsbæ. Af því tilefni tók starfsfólk Vinnustofa Skálatúns sig til og hannaði og saumaði sérstaka Kærleikspúða. Púðarnir eru með rennilás og inn í þá voru sett útklippt hjörtu sem á voru skrifuð kærleikskorn og spakmæli. Öll heimili og skrifstofa Skálatúnsheimilisins fengu síðan hvert sinn púða fyllta með spakmælum fyrir alla íbúa, starfsmenn og gesti. Til stendur að halda áfram með þetta verkefni og hafa púðana til sölu t.d. til brúðargjafa.

Vorboðinn, kór eldri borgara í Mosfellsbæ hefur haldið jólatónleika fyrir heimilisfólk og starfsmenn Skálatúnsheimilisins á aðventunni síðustu ár. Var því ákveðið að færa þessum velunnurum okkar gjöf í tengslum við kærleiksvikuna. Kórinn er með æfingar á mánudögum í Safnaðarheimili Lágafellskirkju og var ákveðið að koma þeim á óvart á æfingu og færa þeim Kærleikspúða og glerlistaverk að gjöf. Kórfélagar þökkuðu fyrir sig með því að taka lagið.

Kristín Þórðardóttir og Sigrún Lóa Ármannsdóttir starfsmenn Vinnustofa Skálatúns afhenda Úlfhildi Geirsdóttur Kærleikspúða og glerlistaverk.

Meira um kærleiksviku í Mosfellsbæ (tengja í tengilinn fyrir neðan)

http://mos.is/Menning/Vidburdir/Kaerleiksvika/