Beint á leiđarkerfi vefsins
Fara á forsíđu vefs

Fréttir

30. Janúar 2014

Skálatúnsheimiliđ 60 ára.

Skálatúnsheimilið 60 ára  

Í dag fimmtudag, 30. janúar eru liðin 60 ár frá því að fyrstu börnin fluttu á Skáltúnsheimilið. Það telst því vera stofndagur Skálatúnsheimilisins.

Að kvöldi afmælisdagsins 30. janúar verður blásið  til veislu fyrir íbúa og starfsmenn í Harðarbóli í Mosfellsbæ. Húsið  verður opnað kl. 18.00. Bjartmar Guðlaugsson og Páll Óskar Hjálmtýsson munu skemmta og leikið verður fyrir dansi.

Laugardaginn 22. febrúar frá kl. 14.00 til 17.00  verður síðan opið hús  á Skálatúnsheimilinu. Gestir og gangandi verða boðnir velkomnir, starfsemin kynnt og boðið verður upp á léttar veitingar. Frekari umfjöllun um dagskránna 22. febrúar verður birt þegar nær dregur..

Meðfylgjandi er grein um Skálatún og myndir frá gamalli tíð.

27. Nóvember 2013

Jólamarkađur Vinnustofa Skálatúns

Jólamarkaður 2013 

17. Október 2013

Fyrirlestur á Skálatúni

 

FYRIRLESTUR á Skálatúni.

EINELTI Á VINNUSTÖÐUM

Sveina Berglind Jónsdóttir, sálfræðingur

Sveina Berglind Jónsdóttir, sálfræðingur, deildarstjóri starfsgetumats hjá VIRK hélt fyrirlestur um EINELTI Á VINNUSTÖÐUM fyrir starfsfólk Skálatúnsheimilisins 29. september  og 2. október s.l.

Í fyrirlestrinum fjallaði hún m.a. um ýmsar hliðar eineltis og hvernig bregðast skuli við.

Sveina Berglind ræddi eftirtalda efnisþætti:

  • - Hvað er einelti?
  • - Upplifun og mat starfsmanns
  • - Einelti er ekki...
  • - Lagalegur réttur
  • - Umfang vandans hér á landi - tíðni eineltis hjá ríkisstarfsmönnum skv. könnum fjármálaráðuneytis vorið 2008
  • - Orsakir eineltis
  • - Þættir sem geta kallað fram eineltishegðun
  • - Algeng birtingarform
  • - Áhrif eineltis á þolanda
  • - Áhrif eineltis á fyrirtækið
  • - Þjóðfélagslegar og efnahagslegar afleiðingar
  • - Þolendur
  • - Gerendur
  • - Meðvirkni - óvirkni - samábyrgð
  • - Aðgerðir gegn einelti
  • - Tilkynningar um einelti
  • - Viðbrögð yfirmanns
  • - Ef vinnustaður og stjórnendur bregðast
  • - Fyrirmyndarvinnustaður

4. Október 2013

Skynörvunarherbergi í Skjóli

29.nóvember árið 2011 voru fulltrúar Skálatúnsheimilisins boðaðir til móttöku í húsakynnum fyrirtækis Halldórs Jónssonar h/f . Tilefnið var afhending styrks úr Líknarsjóði Ögnu og Halldórs Jónssonar að upphæð kr. 2.500.000.

Styrknum var varið í að útbúa tvö skynörvunarherbergi (Snozelen) í Skjólinu. Annað herbergið er svart og hitt hvítt. Herbergin voru formlega tekin  í notkun á opnu húsi í apríl 2012. Nú rúmlega ári seinna og reynslunni ríkari sjáum við að herbergin hafa gefið afar góða raun með okkar þjónustuþegum og ávinningurinn leynir sér ekki.

Hægt er að skoða  myndband um skynörvunaraðstöðuna með því að smella á myndina hér fyrir neðan. Höfundur er Björgvin Ottósson kvikmyndagerðarmaður og stuðningsfulltrúi í Dagþjónustu.

 Youtube

24. September 2013

HLUTVERK – SAMTÖK UM VINNU- OG VERKŢJÁLFUN

HLUTVERK, Samtök um vinnu- og verkþjálfun hélt stjórnarfund sinn í Blönduhlíð, húsnæði Skálatúnsheimilisins fimmtudaginn 19. september s.l.  Áður en fundurinn hófst, fór fram kynning á starfsemi Skálatúnsheimilisins auk þess sem stjórnarfulltrúarnir skoðuðu dagþjónustu Skálatúnsheimilisins – Skjól og vinnustofu. Fulltrúar Skálatúnsheimilisins sátu síðan stjórnarfundinn. Samstarf sem þetta er af hinu góða og mikilvægt að hlúa að sem opnustum og bestum tengslum. Þannig skapast vettvangur til skoðanaskipta og upplýsingagjafar, öllum til hagsbóta.

Tilgangur HLUTVERKS er:a)   að stuðla að góðu samstarfi og samskiptum fyrirtækja og stofnana innan sambandsins.b)   að gæta hagsmuna sambandsaðila.c)   að stuðla að samvinnu við önnur fyrirtæki, stofnanir, félög og félagasambönd, innanlands og utan, í upplýsinga- og fræðsluskyni varðandi atvinnumál fatlaðs fólks og annarra sem þurfa á stuðningi að halda.d)   að vera ráðgefandi stofnunum ríkis og sveitarfélaga, þar með talin ráðuneyti og annarra þeirra sem sjá um starfsendurhæfingu og atvinnumál fatlaðs fólks.e)   að stuðla að samstarfi um uppbyggingu á starfsþjálfun, hæfingu og endurhæfingu fyrir einstaklinga til starfa á vinnumarkaði. 

Stjórn HLUTVERKS:Formaður: Kristján Valdimarsson, Örvi - Ritari: Ţorsteinn Jóhannsson, Vinnustaðir ÖBÍ - Gjaldkeri:
Ólöf Leifsdóttir, Plastiðjan Bjarg – Iðjulundur - Meðstjórnendur: Bryndís Theódórsdóttir, Ams Reykjavík -  Halldóra Þ. Jónsdóttir, Ás vinnustofa - Ragnhildur Jónsdóttir, Viss og Þórhildur Garðarsdóttir, Bjarkarás
Sími HLUTVERKS: 554-3277 -  Netfang HLUTVERKS: kristjanv@kopavogur.is

29. Júlí 2013

REYKJAVÍKURMARAŢON ÍSLANDSBANKA

HLAUPUM Í ÞÁGU SKÁLATÚNSHEIMILISINS

    

 

Skráning í Reykjavíkurmaraþon Íslandsbanka er í fullum gangi

 
Heita á hlaupara.

Hver sem er getur heitið á þá sem hlaupa fyrir góð málefni í Reykjavíkurmaraþoni Íslandsbanka upphæð að eigin vali. Þannig er hægt að hvetja hlauparana til dáða og láta jafnframt gott af sér leiða. Hægt er að heita á hlaupara fram að miðnætti mánudaginn 26. ágúst en hlaupið fer fram laugardaginn 24. ágúst 2013.

Auðvelt er að heita á hlaupara á http://www.hlaupastyrkur.is/ Hægt er að greiða áheit með kreditkorti, millifærslu og með því að senda áheitanúmer keppenda sem sms skeyti.

Bæði er hægt er að heita á einstaklinga og boðhlaupslið. Auðvelt er að leita að einstakling eða liði með því að slá inn nafn eða hluta úr nafni viðkomandi í leitarstrenginn. Einnig er hægt að finna hvaða einstaklingar og lið hlaupa fyrir hvert góðgerðafélag í listanum yfir góðgerðafélög.

Hlaupa til góðs

Að hlaupa er frábær hreyfing sem verður enn betri ef hægt er að styrkja góð málefni um leið. Ef þú vilt hlaupa til góðs í Reykjavíkurmaraþoni Íslandsbanka 2013 þarftu að byrja á því að skrá þig í hlaupið og fara síðan inn á http://www.hlaupastyrkur.is%20/ til að setja áheitasöfnun í gang.

Ţegar þú skráir þig í Reykjavíkurmaraþon Íslandsbanka á http://www.marathon.is%20/ býðst þér í skráningarferlinu að skrá þig sem góðgerðahlaupara fyrir ákveðið góðgerðafélag. Haka þarf í reitinn „Já, ég vil hlaupa til góðs" og velja góðgerðafélag í fellilistanum. Veljir þú að hlaupa til góðs birtist nafn þitt á http://www.hlaupastyrkur.is%20/ og hver sem er getur heitið á þig með því að senda sms eða greiða með kreditkorti eða millifærslu. Þú getur notað innskráningarupplýsingarnar sem þú fékkst sendar í tölvupósti til að fara inná þitt nafn á http://www.hlaupastyrkur.is/ Þar getur þú bæði sett inn myndir og sagt frá ástæðu þess að þú hleypur fyrir tiltekið félag.

Um leið og Skálatúnsheimilið hvetur fólk til að taka þátt í þessu skemmtilega átaki Íslandsbanka hvetjum við hlaupara að skrá sig og hlaupa í þágu íbúa Skálatúnsheimilisins. Þeim sem það gera eru færðar innilegar  þakkir.

Upplýsingar um Skálatúnsheimilið má fynna á heimasíðunni: http://www.skalatun.is/

19. Apríl 2013

List án landamćra.

 
  Opnunarhátíð Listar án landamæra var haldin í Ráðhúsi Reykjavíkur í gær. Auk fjölmargra skemmtiatriða var opnuð myndlistarsýning í austursal Ráðhússins. Fulltrúi Vinnustofa Skálatúns á sýningunni er Ingibjörg Sæmundsdóttir, Ína og sýnir hún verkið „Hamingja" sem er unnið með blandaðri tækni. Myndefnið er af henni sjálfri og Birgi (Bigga) unnusta hennar.

Hægt er að sjá fleiri myndir á Facebook síðu Vinnustofa Skálatúns.

  

1. Mars 2013

KĆRLEIKSVIKA Í MOSFELLSBĆ

KÆRLEIKSPÚÐAR FRÁ VINNUSTOFUM SKÁLATÚNS

                Vikuna 17.-24. febrúar var haldin Kærleiksvika í Mosfellsbæ. Af því tilefni tók starfsfólk Vinnustofa Skálatúns sig til og hannaði og saumaði sérstaka Kærleikspúða. Púðarnir eru með rennilás og inn í þá voru sett útklippt hjörtu sem á voru skrifuð kærleikskorn og spakmæli. Öll heimili og skrifstofa Skálatúnsheimilisins fengu síðan hvert sinn púða fyllta með spakmælum fyrir alla íbúa, starfsmenn og gesti. Til stendur að halda áfram með þetta verkefni og hafa púðana til sölu t.d. til brúðargjafa.

Vorboðinn, kór eldri borgara í Mosfellsbæ hefur haldið jólatónleika fyrir heimilisfólk og starfsmenn Skálatúnsheimilisins á aðventunni síðustu ár. Var því ákveðið að færa þessum velunnurum okkar gjöf í tengslum við kærleiksvikuna. Kórinn er með æfingar á mánudögum í Safnaðarheimili Lágafellskirkju og var ákveðið að koma þeim á óvart á æfingu og færa þeim Kærleikspúða og glerlistaverk að gjöf. Kórfélagar þökkuðu fyrir sig með því að taka lagið.

Kristín Þórðardóttir og Sigrún Lóa Ármannsdóttir starfsmenn Vinnustofa Skálatúns afhenda Úlfhildi Geirsdóttur Kærleikspúða og glerlistaverk.

Meira um kærleiksviku í Mosfellsbæ (tengja í tengilinn fyrir neðan)

http://mos.is/Menning/Vidburdir/Kaerleiksvika/

27. Febrúar 2013

NÁMSKEIĐ

 

NÁMSKEIÐ

Að takast á við ágreining

Ţriðjudaginn 19. febrúar, kl. 9.00-12.00 var í húsakynnum Skálatúns haldið námskeið sem nefnist: Að takast á við ágreining. Námskeiðið sóttu starfsmenn Skálatúnsheimilisins.  Leiðbeinandi á námskeiðinu var Ingrid Kuhlman, sérfæðingur hjá Þekkingarmiðlun.  

Námslýsing

Ţað kannast allir við erfið samskipti í tengslum við þjónustustörf, fólk sem ekki hlustar, æsir sig og bölvar. En hvað er það sem veldur og hvernig er best að bregðast við? Staðreyndin er sú að algengustu ástæður slíkrar hegðunar eru slæmt viðmót starfsmanna, hæg þjónusta, lélegt upplýsingaflæði og röng skilaboð - m.ö.o. léleg þjónusta.  Aðstæður og óánægja verða til þess að fólk fer yfir strikið og þá geta rétt viðbrögð skipt sköpum og tryggt farsæla úrlausn mála bæði fyrir skjólstæðing/viðskptavin og starfsmann.

Ţegar um samskiptavanda er að ræða eru ótti og reiði algeng og skiljanleg viðbrögð - en ekki alltaf þau árangursríkustu. Að geta stjórnað eigin tilfinningum og unnið með erfið tilfinningaviðbrögð er það sem mestu máli skiptir í samskiptum við ,,erfiða" viðskiptavini.

Á námskeiðinu er farið yfir ólíka hópa ,,erfiðra" viðskiptavina og hvernig bregðast eigi við hverjum þeirra. Skoðaðar eru leiðir til að leysa úr erfiðum aðstæðum eins og kvörtunum og ágreiningi ásamt því að fjallað er um hvernig best er að takast á við reiði og tilfinningahita viðskiptavina.

Markmið námskeiðs

  • Aukin hæfni í erfiðum samtölum
  • Aukin innsýn í hegðun ,,erfiðra" einstaklinga
  • Meira sjálfsöryggi í samskiptum
  • Aukið sjálfstraust í að takast á við erfiða einstaklinga
  • Betri líðan í starfi
  • Að þátttakendum líði betur í erfiðum aðstæðum þar sem reynir á samskiptin.
 

26. Febrúar 2013

NÁMSKEIĐ

 

NÁMSKEIÐ

Vellíðan á vinnustað

Ţriðjudaginn 12. febrúar 2013, kl. 13.00-16.00 var í húsakynnum Skálatúns haldið námskeið sem nefnist: Vellíðan á vinnustað.  Námskeiðið sóttu starfsmenn Skálatúnsheimilisins. Námskeiðinu var skipt upp í fyrirlestra og umræður. Leiðbeinandi á námskeiðinu var Ingrid Kuhlman, sérfæðingur hjá Þekkingarmiðlun.

Markmið

Markmiðið með námskeiðinu er að gera þátttakendum kleift að átta sig á ýmsum þáttum í eigin fari sem skipta máli varðandi líðan í vinnu. Þá er vinnustaðurinn einnig skoðaður, hvernig málum er háttað þar og hvað hægt er að gera til að auka vellíðan ef ástæða er til. Lögð er áhersla á mikilvægi sjálfsábyrgðar í tengslum við vellíðan í leik og starfi.

Námskeiðslýsing

Á námskeiðinu er farið í þætti sem snúa að almennum samskiptareglum og vinnugildum, sem eru mikilvæg til að upplifa vellíðan í vinnunni.

Meðal atriða sem fjallað er um:

  • Að þekkja sjálfan sig
  • Hugsanir, meðvitund og undirmeðvitund
  • Sjálfsmat, sjálfsmynd, sjálfstraust
  • Framkoma, orðanotkun
  • Samskipti og samskiptatækni
  • Að segja Nei
  • Ţóknunarárátta
  • Að greina vandamál


Toppmynd


Stjórnborđ

Forsíđa vefsins Stćkka letur Minnka letur Hamur fyrir sjónskerta Senda ţessa síđu Prenta ţessa síđu Veftré